18, ఆగస్టు 2013, ఆదివారం

ఫెమినిజం లో అమ్మా , అత్తగార్లు -2

ఫెమినిజం లో అమ్మా , అత్తగార్లు మొదటి భాగం ఇక్కడ :


ప్రవీణ చెప్తూ ఉంటె చాలా కోపం వచ్చింది అప్పట్లో . అంకుల్ సరే అంటీ కూడా ఇలా చేయవచ్చునా  . నాకెంత అభిమానమో ఆమె అంటే , ఒక్కసారిగా ఇలా మారిపోయారా అని చాలా కష్టం అనిపించిన్ది.

సరే  ప్రవీణ తమ్ముల్లలో ఇద్దరు నాకు బాగా క్లోజ్. వాళ్ళలో రమేష్ కి అయితే  ప్రవీణ  భర్త ట్రైనింగ్ ఇప్పించి, తానె పూర్తిగా సహకరించి ఒక మల్టినేషనల్ కంపెనీ లో ప్రోగ్రామర్ గా జాబ్ తెప్పించారు . చిన్న తమ్ముడు అయితే సెలవుల్లో తప్పక ఒక వారం వచ్చి వెళుతున్నాడు . కాని అమ్మ మాత్రం మొదటి సారి ప్రెగ్నెంట్ గా ఉన్నపుడు ఒక నాలుగు రోజులు అదీ కూతురు బ్రతిమిలాడితే వచ్చి వెళ్ళారు. తనే డెలివరీకి , పండుగలకి అని పుట్టింటికి వెళ్లి వస్తు ఉంది .


 మరి తమ్ముళ్ళు ఏమంటున్నారు అంటే, వాళ్ళు అమ్మకే సపోర్ట్ ...తన బాధ తనది అని అంటున్నారన్నది . ఇది ఇంకో షాక్ .

 మీ అమ్మకి  చక్కగా డబ్బులు అవీ ఇస్తూ కాస్త మంచి చేసికోవచ్చు కదా కాస్త మారతారేమో అని అడిగి చూసాను . నవ్వ్వేసింది , అలాంటివి చేస్తే మా అమ్మ ఇంకోసారి నా ముఖం కూడా చూడదు. ఛీ కొడుతుంది ఇంకేం లేదు అన్న తర్వాత ...ఇదెక్కడి  సమస్య అనిపించింది .


 ఆంటీ  నాకు ప్రశ్నగానే మారిపోయారు . తర్వాత ఒకసారి మా ఇంటికి నన్ను చూడ్డానికి వచ్చారు , ఇంకోసారి గుడిలో కనిపించారు. అదే ప్రేమ ..వాల్లమ్మాయి  గురించి కూడా సంతోషం గానే మాట్లాడారు . ఆమెని నేనెక్కడో అర్ధం చేసికోలేదనిపించింది .


చాలా రోజులు పట్టింది ఆమె అంతరంగం అర్ధం కావడానికి. ఒక ఆడపిల్లకి తల్లిగా మన సంస్కృతి ఇన్నాళ్ళు పెళ్లి చేసి అత్తారింటికి పంపెవరకే మన అమ్మాయి అని నూరి పోసింది . బహుసా అదే గుడ్డి నమ్మానేమో , ఆమెని అర్ధం చేసుకోవడం లో పొరపాటు జరిగింది .

ఆవిడకి నలుగురు పిల్లలు , నలుగురూ ఆడపిల్లలో మగపిల్లలో అయితే ఏ గొడవాలేదు కాని ముందు అమ్మాయి తర్వాత ముగ్గురు అబ్బాయిలు. కాని మగపిల్లలతో సమానంగా, ఇంకా కాస్త ఎక్కువ ప్రేమ అభిమానాలు కలిపి తనని పెంచారు . మగపిల్లలకి ఆడపిల్లగా, అక్కయ్యగా తనకెంత విలువ ఇవ్వాలో కూడా చక్కగా నేర్పించారు . అప్పటి అందరు ఆడవాళ్ళ లా భర్త సంపాదిస్తుంటే  కేవలం పిల్లల్ని బాధ్యతగా పెంచడమే కాకుండా, గేదెల్ని పెట్టుకుని , ఇంకా అంకుల్ కి వ్యవసాయం లో కూడా సాయం చేస్తూ తన సంతోషం అంటా పిల్లల్లోనే చోసుకొన్నారు. నలుగురిని పెంచాలి కాబట్టి సంవత్సరానికి   రెండు చీరల్ని మించి  ఎప్పుడు కొనుక్కోలేదు.


 తను  ఉద్యోగం మారి గుంటూరు కి వస్తే ఫామిలీ షిఫ్ట్ చేసి మరీ తనతో ఉన్నారు. అంకుల్ రోజు వెళ్లి వచ్చేవారు. కూతురు పెళ్లి విషయం లో యెంత ఆలోచన చేసారో నాకే తెలుసు . కట్నం విషయానికి వస్తే ఆయన మాటలు నవ్వు తెప్పించేవి . కట్నం ఇవ్వనన్నారు సరే, వచ్చి వెళ్ళే మారేజ్ బ్రోకర్స్ కి కూడా పైసా ఇవ్వనన్నారు ముందే . ఆయన పెంపకం పై ఉన్న నమ్మకం అదీ .

 పెళ్లి  తర్వాత కూడా అత్తా మామలేమి తన బాధ్యతా తీసికోలేదు , వీళ్ళే ఉన్నారు తనకి  భర్త ఉండే చోటుకి బదిలీ అవడానికి ముందువరకూ . కాని ఒకరోజు అలా వదిలేసి వెళ్ళిపోయారు . ఎందుకంటె!!!!


మన సంస్కృతిలో కూతురికి , కొడుకు కి చాలా తేడా ఉంది . కొడుకు కి తల్లిదండ్రులంటే బాధ్యత, జవాబుదారీ ఉండాలి . వారికి  సంపాదన పై హక్కు, కొండకచో అజమాయిషీ కూడా ఉండి  తీరాలి. కాని  అంతే కష్టపడి చదివించి, మంచి ఉద్యోగంలో చేరాక పెళ్లి చేసి అల్లుడి కాళ్ళు కడిగి నెత్తిన నీళ్ళు చల్లుకోవాలి . అమ్మాయి భర్త అడగ్గానే తన మరిది వీసా ప్రాసెస్ కోసం   అకవుంట్ ఖాళీ చేసి ఇచ్చెయ్యాలి . అక్కడే ఉన్న అమ్మా నాన్నకి చెప్పనవసరం లేదు , ఎందుకంటే ఇప్పుడు తన కుటుంబం వేరు . కాని తన కుటుంబం అనుకునే ఆ అత్తా మామలు కాని , భర్త కాని వచ్చి తన బాధ్యత  తీసికోరు .

బహుసా అందుకేనేమో ప్రవీణ వాళ్ళ అమ్మ ఇప్పుడు మవునం గా వదిలి వెళ్ళడం లో  నాకు  ఒకే అర్ధం కనిపించింది . హక్కులు అత్తా , మామ కుటుంబం మరియు భర్తవి అయితే, బాధ్యతలు కూడా పూర్తిగా వారివే. ఇప్పటి వరకు కష్టపడింది చాలు . మిగిలిన పిల్లల సమస్యలు చూసుకోవాలి కాబట్టి కూతురు విషయంలో తన ప్రమేయం ఇంచుక కూడా అక్కర్లేదు అని తప్పుకొన్నారు.  ఈ నిర్ణయానికి రావాలంటే ఒక స్త్రీకి యెంత ఆత్మాభిమానం కావాలి !!! అంతకుమించిన జీవితానుభవం, ఆలోచనా పరిణితి ముఖ్యమ్.

అమ్మాయి అంటే గారాబం గా పెంచి ఇంకో ఇంటికి దానం చేసే ఆస్తి కాదు. తనకూ వ్యక్తిత్వం వుందని అవతలి వాళ్ళు తెలుసుకోనంత కాలం ప్రవీణ కూడా తనకి అందరి అమ్మాయిలకు ఉన్న లాంటి కన్న తల్లి ప్రేమ దొరకట్లేదు ఎందుకు అని అత్తగారితో చెప్పుకొని బాధ పడుతూనే ఉంటుంది .

ఆఖరుకు కొడుకులకు కూతురు అల్లుడు సహకరిస్తున్నారు అని స్వార్ధం తో ఆలోచించి కొందరు కలిసిపోతారు కాని ఆంటీ అలా కాదు . అది వాళ్ళ అక్కా తమ్ముళ్ళకి సంబంధించినది . వ్యక్తిత్వాన్ని సందర్భానికోకరకంగా మార్చుకోకుండా ఆదర్శ మాతృమూర్తిగా నిలబడడం కొందరికే సాధ్యం .

మూడవ భాగం లో అత్తగారి వెర్షన్ వివరిస్తాను 

4 వ్యాఖ్యలు:

  1. Niru


    అవును, ఏమి జరిగింది అన్న పార్ట్ చాలా క్లుప్తంగా చెప్పి వదిలెసాను. అంతకు మించి చెప్పాలంటే వారి వ్యక్తిగతం అవుతుంది. ఆడపిల్ల తల్లికి, తండ్రికి సమాజం కొన్ని అదనపు బాధ్యతలను పడేసి వినోదం చూస్తుంది.

    ప్రవీణ కూడా తన చుట్టూ అందరు అమ్మాయిలకి వారి భర్తలకి అయితే తలకిమించిన పుట్టింటి మర్యాదలూ , సేవలూ అన్దుతున్నాయి. తనకెందుకు ఆ భాగ్యం లేదు అని విలవిలలాడి పోతున్నది. నిజానికి ప్రవీణ వాళ్ళ అమ్మ అంతకన్నా ఎక్కువే సేవలు చేసారు తనకి వివాహం తరువాత కూడా .

    తన సంపాదన అంతా దాదాపు తనకే ఖర్చు చేసారు . ప్రతి పైసా అమ్మా నాన్నలకు చెప్పే ఖర్చు చేసింది తను కూడా. పెళ్లి తర్వాత ఆరునెలలకి భర్త తన తమ్ముడి వీసా కోసం అడగ్గా అకవుంట్ లో డబ్బు మొత్తం తీసి ఇచ్చేసింది. తనతో ఇంట్లో ఉన్న అమ్మకి, నాన్నకి మాట కూడా చెప్పకుండా. చెప్పడానికి ఇబ్బంది పడింది కావొచ్చు. అప్పుడు ఆమె తల్లి దండ్రులకి తమ పరిమితులు తెలిసి వచ్చాయి. ఆ అమ్మాయి తాము వేర్వేరు కుటుంబాలు అని తెలిసాక తన్ని వదిలి స్వస్థలానికి వెళ్ళిపోయారు. తరువాత కూడా ప్రవీణ అత్తా మామలపైనే ఎక్కువ ఆధార పడవలసి వచ్చింది.

    ప్రవీణ వాళ్ళ అమ్మ నాన్న స్వార్ధ పరులుగా కనిపిస్తారు ఎవరికయినా . కాని నాకిప్పుడు తన తల్లి లో ఒక బలమైన వ్యక్తిత్వం కలిగిన స్త్రీ మూర్తి కనిపిస్తున్నది. అదే ' ఫెమినిజం ' అని నమ్ముతున్నాను . పెళ్లి తర్వాత ఒకే సారి ఆర్ధిక విషయాల్లో పరాయి అయిపోయే అమ్మాయిని పరాయిగా భావించడమే కరెక్ట్ అనుకున్నారు. తను ఇంకా ఆ అమ్మాయికోసం వాళ్ళు హూనం చేసికొని కష్టపడాల్సిన అవసరం లేదు అని నిర్ణయించుకున్నారు. అమ్మా నాన్నా కావాలంటే ప్రవీణ తనకు తానుగా వెళ్లి నాలుగు రోజులు ఉండడమే కాని. ప్రత్యేకంగా పిలవడం అవీ ఉండవ్. కాని వెళ్ళినపుడు స్థాయికి మించి కర్చు చేసి కూతురు అల్లుడిని సంతోష పెట్టాలని తాపత్రయ పదలెదు. కేవలం ప్రేమను మాత్రమె అన్దించారు.

    ఫెమినిజం అంటే మేధావుల రచనల్లో మాత్రమె ఉంది అనుకునే వారికి , అతి సామాన్యమైన స్త్రీల ఆచరణల్లో నుంచే అది మొదటగా వస్తున్నది అని చెప్పడమే నా ప్రయత్నానికి ముఖ్య కారణం . పుస్తకాలు చదివితే మాత్రమె అర్ధం అయ్యేది కాదు ,కుటుంబం కోసం సర్వ శక్తులు ధారా పోస్తున్నపుడు కూడా స్వంత వ్యక్తిత్వాన్ని నిలబెట్టుకుంటూ గుడ్డి ఆచారాలను లెక్క చెయ్యకుండా ఉండడమే.

    ప్రత్యుత్తరంతొలగించు
  2. ఎంటో,ఇంకా confusion గానే వుందండి...తన తమ్ముడి కోసం తను కాకుండా భార్యని ఎందుకు అడుగుతాడు?..సరే,అడిగాడు,ప్రవీణ అత్తమామల దగ్గర ఇంక అసలు ఎమి డబ్బులు వుండవా? అంత లేని కుటుంబమా?visa కోసం అంత ఖర్చు ఎందుకవుతుంది ? How can she blindly empty her account,she being an educated wise person?? Why shud she hide it from parents? Had the parents known,probably they wud talk and manage?

    ప్రత్యుత్తరంతొలగించు
  3. Niru

    డబ్బులు అడగడం నాకు సమస్య అనిపించలేదు అండీ. అప్పుడే పెళ్లి చేసారు, తర్వాత ఖర్చులన్నీ కూడా అబ్బాయే పెట్టాడు . అబ్బాయి తల్లిదండ్రులవద్ద డబ్బులు వేరుగా ఉండవు కదా (తర్వాతి భాగంలో ఈ వివరాలు vastaayi tappakundaa ). అమ్మాయి అకవుంట్ లో ప్రతినెలా జీతం కదలకుండా ఉంది. తమ్ముడి చదువు ఖర్చు కోసం అవసరం వచ్చాయి . అమ్మాయికి కూడా భర్త అడిగితె ఇవ్వడానికి అభ్యంతరం లేదు . కాని తనతో ఉన్న తల్లిదండ్రులకు అది కష్టం అనిపించడం వలన సమస్య . ఇదంతా చూసిన ఎవరైనా అమ్మాయి తల్లిదండ్రులకు హక్కు లేదనే చెప్తారు.

    నిజానికి వాళ్ళు కూడా అదే అర్ధం చేసుకొని , బాధ్యతలు కూడా వద్దు అని తప్పుకొన్నారు . ఆ విధంగా సెంటిమెంటల్ గా కాకుండా వాస్తవాన్ని అర్ధం చేసుకొని నిర్ణయం తీసుకోవడం చాలా మంచి పద్దతి కాని ఎవరికైనా అర్ధం కావడానికి సమయం పడుతుంది . ఆంటీ ఒక బలమైన వ్యక్తిత్వం కలిగిన స్త్రీలా అనిపిస్తున్నారు ఇప్పుడు నాకు.

    ఇంకా నయం చాలా మంది మగ పిల్లవాడి తల్లి దండ్రులు అడిగినట్లు, నిన్ను పెంచి చదివించాము చాలా ఖర్చు చేసాము , ఇప్పుడు నువ్వు మాకు వెనక్కి ఇవ్వాలి, మిగిలిన పిల్లల బాధ్యతా చూడాలి అని డిమాండ్ చెయ్యక పోవడం వారి సంస్కారం .

    తన అకవుంట్ ఖాళీ చెయ్యడం తప్పెందుకు అవుతుంది. అదే అమ్మాయి తన తమ్ముడి కోసం చేసి ఉంటె , భర్త నాకు చెప్పలేదేమిటి అని అడిగి ఉండేవాడు కావచ్చు. కలిసి బ్రతకాల్సిన వారు కాబట్టి మరీ ఇంత పెద్ద ఇష్యూ అవ్వదు .

    ప్రత్యుత్తరంతొలగించు