30, డిసెంబర్ 2012, ఆదివారం

ఇంటికి వేసే తాళాలు చంద్రమతి మాంగళ్యమా

క్రిస్మస్ సెలవులకి ఇంటికి వచ్చిన అతిధుల హడావిడి తగ్గింది, ఒకసారి హారం తీసి చూద్దును కదా , వేడి వేడిగా చర్చలు. టాంక్ బ్యాండ్ పై విగ్రహాలప్పుడు బ్లాగుల్లో జరిగిన హడావిడి తో పోల్చుకుంటే ఇది  చాలా తక్కువ చర్చే !!! అయినా తీరిగ్గా నాలుగైదు టపాలు చదివేసరికి అక్కడ జరిగిన అత్యాచారం కన్నా ఇక్కడి అవగాహానాలోపం తో చేస్తున్న వ్యాఖ్యల పైన ఎక్కువ బాధ కలిగినది.   ఉదాహరణ కి :

 బ్లాగ్మిత్రులు ఒకరు  యువతుల వస్త్రధారణ , అత్యాచారాలను ప్రేరేపిస్తున్నదని  చెపుతూ ఇంటికి వేసే తాళం ని బట్టి ఇంటికి బధ్రత ఉంటుంది అని సెలవిచ్చారు. మాకు తెలిసిన కుటుంబం ఒకరు ఇండియా వెళ్ళేటపుడు ఇంటికి ముందు నాలుగు ,వెనక రెండు పెద్ద పెద్ద తాళాలు వేసి, అది చాలక ఒకరిద్దరు మిత్రులను రెండురోజులకోకసారి వచ్చి ఇల్లు చూసి వెళ్ళండి, పోస్ట్ క్లియర్ చెయ్యండి (అంటే అక్కడ ఎవరు లేరని తెలియకుండా ) అని చెప్పి, అప్పటికిని  గురి కుదరక వీలు చిక్కినపుడల్లా ఇంటి తాళాలు భద్రం గా ఉన్నాయా అని   ఆ మిత్రులకి ఫోన్ చేసి కనుక్కోవాలి.  తాళాల వాళ్ళ భద్రతా వచ్చే పనైతే సారూ , యెంత ఖరీదయినవైనా కొనుక్కోవచ్చు.

అయ్యా అప్పుడప్పుడు పలానా వూరిలో ఇళ్ళకు తాళాలు  వెయ్యరు, ఇంటికి అసలు తలుపులే ఉండవు.. అక్కడ అస్సలు దొంగల భయమే లేదు ...ఆదర్శ గ్రామం అని తెగ వ్రాసి పడేసారే. అంటే ఆ ఊరిలో దొంగలు లేనట్లే కదా ?
మరి యువతులకు తాళాల గురించి నీతులు చెప్పడం లో పరమార్ధం దొంగలను తగ్గించడం ఇష్టం లేదనా లేక 'తమలో ఉన్న దొంగ' ని సంతృప్తి పరచడానికి పురుష సమాజం చేస్తున్న అరాచకపు వ్యాఖ్యలా ?


చాలా మంది విద్యార్ధులు పోరాటం చేస్తున్నారు, అమ్మ సోనియమ్మ ప్రత్యేకంగా బాధితురాలి త్యాగం వృధా పోదు అని హామీ ఇచ్చేసింది. ఈ చిత్తశుద్ది ఈ అమ్మాయిలకూ, ఆ అమ్మకూ  ఉంటె సంతోషమే. కాని అత్యాచారానికి గురి అయ్యింది ఒక మెడికో (కాలేజి విద్యార్ధిని), అదీ దేశ  రాజధాని అవడమే కాస్త అనుమానాలకు తావిస్తుంది. విద్యార్ధి , రాజకీయ సంఘాలు ఏకం అయ్యాయా?

అదే అత్యాచారం చేసిన అబ్బాయి  ఆ మెడికో విద్యార్ధి, చెయ్యబడినది ఆ మురికివాడల అమ్మాయి లు అయితే ఈ సంఘాలు బట్టలిప్పుకు తిరగడానికి ఇంత తొందర పడేవారా ??

వన్ వే ట్రాఫిక్ లో భారతం

 అత్యాచారం, మాన భంగం ఇంకా రేప్ ఈ కాన్సెప్టు లో ఎన్ని టైటిల్స్ రావాలో అన్ని అలుపనేది లేకుండా వచ్చేస్తున్నాయ్ . కాని వాటిలో నిజం మాత్రం నేటి బీరకాయ చందమే.  అర్ధరాత్రి ఆడవారికి బయట పనేంటి అన్న మంత్రివర్యులు, ఆ ప్రశ్న అడగడం చాలా సంతోష దాయకమే, కాని సదరు మంత్రివర్యులు ఆ ప్రశ్న అడగవలసినది 'అద్దాన్ని' లేకపోతె మేడమ్  ని  అని మరిచారు. అవును ప్రభుత్వం సరిగా ఉంటే అర్ధరాత్రి ఆడవాళ్లకే కాదు, మగవాళ్ళకి కూడా అర్ధ రాత్రులు బయటకు వెళ్ళవలసిన పని లేదు. పాపం మనమంత్రివర్యులు ఉదారంగా మనకింత మాట సాయం చేస్తే మనవాళ్ళు హడావిడిగా శీర్షికలు పెట్టి ఆయనతే సారీ చెప్పించి బాగుపడే ప్రమాదం నుంచి మనల్ని రక్షించారు.

ఇంకా బోలెడుమంది విజ్ఞాన దాయక చర్చలు, స్త్రీ వస్త్రధారణ పై చేస్తున్నారు. చాలా సంతోషం. స్త్రీ వస్త్రధారణ మగవాడి మెప్పుకోసం చేస్తున్నట్లా ? చిన్న పాప గా ఉన్నప్పుడే అందమైన ఫ్రాకులు, అలంకరణలు చేస్తారే ? మగపిలవాడు పుడితే అయ్యో ముచ్చట్లేవీ  తీరడం లేదే అని మనసు కష్ట పెట్టుకుంటామే.

సరే దొంగలు వచ్చి కోసుకుపోతారే అని పబ్లిక్ గార్డెన్ లో పువ్వు లు వేయకుండా వదలమే. అలాగని మ్యుజియం లాగా కట్టుదిట్టం కూడా చెయ్యము కదా. ఏదో చిన్న కంచె, ఒక కాపలా దారుడు . ఆ మాత్రం రక్షణ వ్యవస్థ మనకు లేకపోయిందా. ఎవడో రెండు పువ్వు లు లాఘవంగా కోసేసాడు అని, అక్కడ పూల మొక్కలు వెయ్యడం మానేసారా లేక చుట్టూ ఎత్తైన గోడ కట్టారా? లేదా ఆ పువ్వులకు తెరలు కట్టారా లేదే..ఇంకాస్త అవగాహన పెంచాలని చూస్తాం ,ఆ పువ్వు ల అందాన్ని చూసి ఆనందించాలి . పర్మిషన్ లేకుండా కొయ్యకూడదు అని బోర్డులు పెడతాం. వీలయితే చెపుతాం.

ఆడవాళ్ళ వస్త్రధారణ గురించి పుంఖాను పుంఖాను లుగా వ్యాఖ్యానించే మహానుభావులు, మగవారికి ఒక్క నీతి వాక్యమయినా  వ్రాయడానికి చేతులు రావడం లేదు అయ్యో . మనుషులుగా బ్రతకడం మొదలుపెట్టమని హితబోధలు ఎక్కడా లేవే. మిమ్మల్ని మీరు సంస్కరించుకోలేక, ఆడకూతుర్లని ఇల్లుదాటొద్దు అని బెదిరిస్తున్నారా, సిగ్గుపడాల్సిన విషయం. ఆ బస్సులో అత్యాచారం చేసిన అజ్ఞానులకు, ఈ జ్ఞానులకు భేదం ఉందా? వాలు పశువులు, అందంగా కనిపిస్తే రెచ్చిపోతారు మీ మొహాలకు మసిపూసుకోండి అని అడుక్కుంటున్నారా. సిగ్గులేదూ?

నిండు గా ఉన్న వస్త్రదారణ లోనే కాదు, వెతుక్కునే వాడు చెత్తకుప్పలోకూడా వెతుక్కుంటాడు . కాబట్టి సారు  మగవాళ్ళు  ఇంతే అని బెదిరించేముందు మీరు కుడా చెత్తకుప్పలో చేరుతున్నారు అని తెలుసుకోండి.

23, డిసెంబర్ 2012, ఆదివారం

వోడ్కా విత్ వర్మ -1 ( నిర్జన వారధి )

ఈ మధ్యకాలం లో అనుకోకుండా చదివిన రెండు పుస్తకాలు నిర్జన వారధి , వోడ్కా విత్ వర్మ.  తెలుగు పుస్తకాలు చదవాలి అని ఆసక్తి లేదు. కాని వివాహం లో ఆత్మాభిమానం గురించి, నాకు తెలిసిన ఒక మంచి జంట గురించి ఆలోచిస్తూ మొదట  డాక్టర్ రమణ   గారి టపా నుండి కొన్ని ప్రశ్నల కోసం అన్వేషణ మొదలయ్యింది. అదే రోజు అదృష్టవశాత్తు  జాజిమల్లి గారితో ఇదే అంశాన్ని ప్రస్తావించే అవకాసం కలిగింది. నిర్జన వారధి గురించి నా ఆలోచనలు  ఇక్కడ పంచుకొన్నాను  .

వోడ్కా విత్ వర్మ అది ఒక పుస్తకమని నిన్నటి దాకా తెలియదు  . ఏదో ఒక రివ్యు కంటబడింది. అది వ్రాసినది శ్రీ రమణ గారు కాదనుకుంటా. అందుకే రివ్యు కాస్త సిల్లీ గా అనిపించింది.  క్రిస్మస్ సెలవులు కదా అలా గ్రేట్ ఆంధ్రాలో విహరిస్తూ ఎంబీయస్ గారి వ్యాసం చూడడం,  వెంటనే పుస్తకం చదవాలి అనిపింఛి చదివేసాను. నాకయితే పుస్తకంలో ఎక్కడా వర్మ ని  పొగిడినట్లు అనిపించలేదు. కొంచెం తిట్లు ఎక్కువ కనిపించాయి :) . అలాగే నా ఇష్టం పుస్తకం, అప్పట్లో  నేనే  ఫ్రీ కాపి సంపాదించి బ్లాగుల్లో , బజ్జుల్లో  జానలకి షేర్ చేసికొన్నాను. నా ఇష్టం కి ఏ మాత్రం సంబంధం , పొంతన లేని పుస్తకం వోడ్కా విత్ వర్మ అవడం వల్ల ఆ పుస్తకం లా కేవలం హైప్, క్రేజ్ తో కాక చక్కని కంటెంట్ వల్ల బోలెడన్ని సార్లు ముద్రించ బడుతుంది . అయినా చదివే వారి దృష్టికోణాన్ని బట్టి మాత్రమె వారికి అంతవరకే అర్ధం అవుతుంది, ఈ పుస్తకం కూడా అన్ని పుస్తకాలు లానే. 

నిర్జన వారధి  కీ,  వర్మ పుస్తకానికీ ఉన్న దగ్గరి సంబంధం బహుసా అందరికీ అనుభవం లోకి రానిదేమో.  ఈ రెండింటి ఉన్న సంబంధం నాకయితే నచ్చింది. అచ్చు కొండపల్లి సీతారామయ్య గారి గురించి ఈ టపా లో నా చివరి వ్యాఖ్య లో ఉన్న నా అభిప్రాయం  లానే , ఇంకొకరు ఇంచుమించు అదే విధం గా వర్మ వివాహం విషయం లో ఆయన కుటుంబ సభ్యులు  ప్రస్తావించారు.

మిగిలిన భాగాలలో పుస్తకం పై నా అభిప్రాయాలు వ్రాయాలి.  ఎంబీఎస్ గారికి చాలా చాలా ధన్యవాదములు, ఒక మంచి పుస్తకాన్ని చక్కగా  పరిచయం చేసినందుకు.